« Xenon《童年往事》 | Main | 掟壞人《童年往事》 »
March 22, 2003
方鴻漸《童年往事》
「方鴻漸又考第尾囉喎，哈哈！」「實係佢架啦，小學我同佢一間，佢年年都係架啦，唔出奇！」「你們說甚麼？」「未唔明佢點解可以升到上來，你睇下佢傻仔?？」「誰是傻子？」「咪係，成績又差人又唔掂，成日呆頭呆腦咁，佢係咪低能架其實？」「你們胡說甚麼？」「我諗好大機會係，成績又差，個人又鈍，你睇下佢，平時會流口水添呀！」「沒有沒有！我沒有！」「我上次係?所見佢整濕晒條褲，唔知係咪賴尿添呀，死白痴仔。」「不是呀！不是呀！」「唔止咁呀，我有一次見佢匿埋係?所，唔知搞ｄ乜，或者係到打飛機，佢個白痴咸濕仔…」「胡說八道胡說八道呀！呀！呀！」「咁又唔怪得佢呀，小學時我見佢偷偷睇咸書架啦，全校都知。」「沒有這件事！假的！」「我聽過人地講，話佢寫過封情信比Miss Chan呀。」「你們怎會知道？誰說的？」「唔係下嘛，Miss都鍾意？真係痴ｑ線架佢。」「有甚麼不可以呀？你說，你說！」「個白痴仔乜都做得出架啦，佢無家教既。聽講佢老豆一直無做野，靠佢阿媽養既。」「不是這樣的，你們不明白，我爸爸……」「哦，唔怪得佢啦，成家都唔正常……」「你們才不正常！」「人地都有佢既不幸既，我地咪多ｄ同情佢囉。你借多幾本咸書比佢睇啦，哈哈……」「我不要你們同情，不要！不要！」「咁既人，都係咪搞我，容乜易佢癲起上來搞我呀，哈哈。」「你們才是癲，我不會的……」「算啦，睇佢下年都係比學校趕出黎架啦，佢點樣再升到上去呀，Miss Chan都咁憎佢。」「Miss Chan沒有討厭我，沒有呀！她說好好的！」「成間學校有邊個唔憎佢呀，你睇下有邊個會同佢講野呀？」「沒有關係，我也不想和你們談話！」「……」「我不想再聽！」「……」「我不想再聽！」「……」「請你們不要再說呀！」
他看著身邊的人，你們好。
Posted by ruofei at March 22, 2003 12:00 AM
Trackback Pings
TrackBack URL for this entry:
http://www.ruofei.com/mt-tb.cgi/242